ვიდეოში წარმოდგენილია 9 ძირითადი ეტაპი, რომელიც მოლდოვიდან და საქართველოდან ბულგარეთში კანონიერ შრომით მიგრაციას ეხება. განსაკუთრებული ყურადღება ეთმობა ქვეყნებს შორის ორმხრივი შეთანხმებების მნიშვნელობას, რომლებიც ამარტივებს და აჩქარებს ბულგარეთში განაცხადის წარდგენისა და დასაქმების პროცესს. ძირითადი ეტაპებია:
- შესაბამისი ეროვნული სტრუქტურების მეშვეობით არსებული ვაკანსიების მოძიება;
- განაცხადისა და საჭირო დოკუმენტების წარდგენა;
- წინასწარი შერჩევა კომპეტენტური ორგანოების მიერ მოლდოვაში ან საქართველოში;
- დამსაქმებლის მიერ საბოლოო შერჩევა, რაც შეიძლება მოიცავდეს გასაუბრებას ან პრაქტიკულ გამოცდას;
- სავალდებულო სამედიცინო შემოწმება კანდიდატის დამტკიცების შემდეგ;
- ვიზის მიღების მიზნით განაცხადის წარდგენა ბულგარეთის საკონსულოში;
- გამგზავრებამდე საინფორმაციო შეხვედრა, რომელიც მოიცავს ინფორმაციას უფლებების, ვალდებულებებისა და შრომითი პირობების შესახებ ბულგარეთში;
- შრომითი ხელშეკრულების დისტანციურად გაფორმება გამგზავრებამდე;
- ბულგარეთში გამგზავრება და ჩასვლა სამუშაოს დასაწყებად.
ვიდეო ასევე ხაზგასმით აღნიშნავს, რომ კანონიერ შრომით მიგრაციაში ჩართული პირები სარგებლობენ იმავე უფლებებით, რაც ბულგარეთის მოქალაქე დასაქმებულები, მათ შორის სამართლიანი ანაზღაურებით, უსაფრთხო შრომითი პირობებით და ჯანმრთელობისა და სოციალური დაზღვევის ხელმისაწვდომობით.
აღნიშნული ვიდეო წარმოადგენს ფართო საინფორმაციო კამპანიის ნაწილს, რომელიც მიზნად ისახავს მოლდოვისა და საქართველოს მოქალაქეებში ცნობიერების ამაღლებას კანონიერ მიგრაციისა და ინტეგრაციის შესაძლებლობების შესახებ.
