90 დღეზე მეტი და 9 თვემდე ვადით სეზონური დასაქმების შემთხვევაში, შინაგან საქმეთა სამინისტრო გასცემს სეზონური მუშაკის ნებართვას მესამე ქვეყნის მოქალაქეებისთვის.
„სეზონური დასაქმება“ შრომითი მიგრაციისა და შრომითი მობილობის შესახებ კანონის თანახმად არის ისეთი დასაქმება, რომელიც დამოკიდებულია სეზონურ ცვლილებებზე და დაკავშირებულია წლის კონკრეტულ პერიოდში განმეორებით მიმდინარე მოვლენებთან ან მოვლენათა სერიასთან, რომლებიც განპირობებულია სეზონური პირობებით, რის დროსაც სამუშაო ძალაზე მოთხოვნა მნიშვნელოვნად მაღალია, ვიდრე რეგულარული მიმდინარე სამუშაოებისას.
შრომით ბაზარზე წვდომა ნებადართულია იმ სექტორებში, რომლებიც შეტანილია სეზონურ პირობებზე დამოკიდებული ეკონომიკური სექტორების სიაში. აღნიშნულ სიას ამტკიცებს შრომისა და სოციალური პოლიტიკის მინისტრი. მოქმედი სია მოიცავს ორ სექტორს:
- სოფლის მეურნეობა, ტყის მეურნეობა და თევზჭერა;
- სასტუმროები და რესტორნები.
დამსაქმებელი ვალდებულია სეზონურ მუშაკი უზრუნველყოს შესაბამისი საცხოვრებლით, რომელიც აკმაყოფილებს ყველა ჯანმრთელობისა და უსაფრთხოების სტანდარტს მთელი შრომითი ხელშეკრულების ვადის განმავლობაში. ასევე, დამსაქმებელი ვალდებულია საკუთარი ხარჯებით დაფაროს სეზონური მუშაკის ტრანსპორტირების ხარჯები მისი წარმოშობის ადგილიდან ბულგარეთის რესპუბლიკაში სამუშაო ადგილამდე და უკან, აგრეთვე სეზონური მუშაკის სავალდებულო ჯანმრთელობის დაზღვევისა და სოციალური შენატანების ხარჯები.