ევროკომისიის ანგარიშში „დასაქმებისა და სოციალური განვითარების მდგომარეობა ევროპაში – 2025“ აღნიშნულია, რომ მიგრანტები ევროკავშირის მასშტაბით შრომისა და უნარების ფართომასშტაბიანი დეფიციტის დაძლევის ერთ-ერთ მნიშვნელოვან ფაქტორს წარმოადგენენ. ანგარიშის თანახმად, შრომისუნარიანი ასაკის 7 მილიონზე მეტი მიგრანტი ამჟამად გამორიცხულია ევროკავშირის შრომის ბაზრიდან ისეთი ბარიერების გამო, როგორიცაა ენობრივი სირთულეები, კვალიფიკაციის არაღიარება, დისკრიმინაცია და რთული ადმინისტრაციული პროცედურები.
მიუხედავად არსებული დაბრკოლებებისა, ანგარიშში ხაზგასმულია, რომ მიგრანტებს გააჩნიათ მნიშვნელოვანი უნარები, რომელთა გამოყენება შესაძლებელია იმ სექტორებში, სადაც შრომითი რესურსების დეფიციტი განსაკუთრებით მწვავეა. კვლევა აჩვენებს, რომ პოლიტიკა, რომელიც აერთიანებს საგადასახადო წახალისებებს, დასაქმების მხარდაჭერას, ენობრივ მომზადებასა და გამარტივებულ სამუშაო ნებართვებს, მნიშვნელოვნად ზრდის მიგრანტთა შრომით ჩართულობას.
მიგრანტების შრომითი მონაწილეობის გაზრდა ასევე გადამწყვეტია ევროკავშირის 2030 წლისთვის დასახული 78%-იანი დასაქმების მიზნის მისაღწევად და სოციალური თანხმობის გასაძლიერებლად. დაუფასებელი ჯგუფების მათ შორის ქალების, ხანდაზმულების, მიგრანტებისა და შეზღუდული შესაძლებლობის მქონე პირების უკეთესი ინტეგრაცია შრომის ბაზარზე განიხილება, როგორც შრომისა და უნარების დეფიციტის შემცირების და დემოგრაფიული ცვლილებების ნეგატიური გავლენის შერბილების მნიშვნელოვანი სტრატეგია.
