შრომით ბაზარზე წვდომის პირობები განსაზღვრულია „შრომითი მიგრაციისა და შრომითი მობილობის შესახებ“ კანონის მეორე თავში„მესამე ქვეყნებიდან შრომითი მიგრაცია“, I განყოფილება „ზოგადი დებულებები“ და III განყოფილება „ევროკავშირის ლურჯი ბარათი“.
აუცილებელია, რომ უცხო ქვეყნის მოქალაქეს ჰქონდეს დასაქმებისთვის საჭირო კომპეტენცია – უმაღლესი განათლების ხარისხი, რომელიც დამოწმებული უნდა იყოს დიპლომით, სერტიფიკატით ან სხვა დოკუმენტით, რომელსაც გასცემს კომპეტენტური ორგანო, მინიმუმ სამწლიანი სასწავლო კურსის წარმატებით გავლის შემდეგ, იმ ქვეყნის მიერ აღიარებულ უმაღლეს სასწავლებელში, სადაც იგი მოქმედებს.
უცხო ქვეყნის მოქალაქის შრომით ხელშეკრულებაში მითითებული საერთო (გროსი) ხელფასი უნდა იყოს არანაკლებ 1.5-ჯერ მეტი, ვიდრე ბულგარეთის რესპუბლიკაში არსებული საშუალო ხელფასი, რომლის მონაცემებიც დგინდება ხელშეკრულების დადებამდე ბოლო 12 თვის სტატისტიკის მიხედვით.
ამ შემთხვევაში დამსაქმებელს არ ევალება წინასწარი შრომითი ბაზრის კვლევის ჩატარება (ე.წ. „ბაზრის ტესტი“) და არ არსებობს შეზღუდვა მსგავს პირთა რაოდენობაზე საწარმოში.